"Peşəkar ol" proqramının bağlanış tədbiri keçirilmişdir.
14.06.2017
İyun ayının 14-də Təhsil İşçilərinin Peşəkar İnkişafı İnstitutunda da "Son zəng" oldu. Bu son zəng 3 ay ərzində mütəmadi olaraq TİPİİ-nin seminar və ustad dərslərində iştirak etmiş pedaqoji ali məktəblərin bir qrup bakalavr və magistrları - “Peşəkar ol” proqramının müdavimləri üçün oldu. Proqram çərçivəsində tələbələr "Müasir təhsilin fəlsəfəsi", “Fənn kurikulumlarının xüsusiyyətləri”, “Hiperaktiv uşaqlarla işin təşkili metodikası”, “İKT-nin təhsilə tətbiqi”, “Sinfin idarəedilməsi”, “Media savadlılığının əsasları” və s. mövzularda seminar və ustad dərslərdə iştirak ediblər.
Bağlanış mərasimində iştirakçılar onlara təklif edilən refleksiya tipli sual və tapşırıqlara cavab verərək sertifikat qazandılar.
Layihənin ilk müdavimlərini ürəkdən təbrik edir, onlara peşəkarlığa gedən yolda inadkarlıq və dözüm arzulayırıq!