tipii

Heydər Əliyev Fondunun “Regionların İnkişafı İctimai Birliyi”nin təşkilati dəstəyi ilə TİPİİ-də həyata keçirilən «İnklüziv siniflərdə təlimin təşkili” mövzusunda seminar bu gün yekunlaşdı. ADPU-nun region filiallarının  bir qrup müəllim-professor heyəti üçün keçirilən seminarda müəllimlər proqrama uyğun olaraq “İnklüziv təhsil” anlayışı çərçivəsində bilik və bacarıqlara yiyələndilər.

36 akademik saatdan ibarət seminar proqramı aşağıdakı mövzuları əhatə edirdi:

• İnklüziv təhsil nədir?

• İnklüziv təhsilin hüquqi bazası;

• Sağlamlıq imkanları məhdud olan uşaqların xüsusiyyətləri, psixofizioloji inkişafı;

• İnklüziv sinifdə pedaqoq;

• İnklüziv sinifdə təlim prosesinin təşkili;

• Təlimin diferensiallaşdırılması;

• Ailə və mütəxəssislərin birgə fəaliyyətinin təşkili metodikası;

• İnklüziv siniflərdə qiymətləndirmənin aparılması.

Sonda iştirakçılara RİİB-in və TİPİİ-nin birlikdə hazırladığı sertifikatlar təqdim olundu.