TİPİİ-də ilk dəfə Şəmkir psixoloqları üçün skayp-seminar keçirildi
10.03.2017
9 mart 2017-ci ildə İnstitutumuzun tarixində ilk dəfə skayp-seminar keçirildi!
Bu bizim üçün həm irəliyə doğru iri bir addım, həm də yeni məsuliyyət deməkdir. İndi maliyyə və vaxt itkisi olmadan bütün Azərbaycanın təhsil işçiləri ilə seminarlar, ustad dərslər, mühazirələr aparmağa hazırıq.
Skayp-seminarın ilk iştirakçıları olan Şəmkirli təhsil işçilərini də təbrik edirik. Onlar da yeni bir təcrübə qazandılar.
Bakı, Sumqayıt, Abşeronun məktəb psixoloqlarının canlı seminarlardan yaxşı tanıdığı Elnarə Cavadova yeni ampluada da peşəkar iş nümayiş etdirdi. Elnarə xanıma, skayp-seminarın texniki təşkilatçısı Aqil Həsənova, Şəmkir Rayon Təhsil Şöbəsinin əməkdaşlarına xüsusi təşəkkürlər!
Hörmətli təhsil işçiləri, ehtiyac duyduğunuz mövzularda skayp-seminarların keçirilməsi ilə bağlı bizə müraciət edə bilərsiniz.
FOTO | VİDEO